14 лютага ў Палацы культуры ім. Шарко пры інфармацыйнай падтрымцы адбудзецца канцэрт Віктара Шалкевіча з нагоды дня ўсіх закаханых.
Песьні, якія прагучаць на канцэрце, слухачы могуць абраць самі. Свае прапановы можна пакідаць у камэнтарах да гэтай навіны, а таксама на суполках Радыё Свабода ці мерапрыемства у сацсетках (уКантакце, Фэйсбуку, а таксама Аднаклясьніках.
Віктар Шалкевіч — вядомы беларускі бард, актор, паэт і шоўмэн. Нарадзіўся 9 лютага 1959 у мястэчку Поразава Гарадзенскай вобласьці. Скончыў Беларускі дзяржаўны тэатральна-мастацкі інстытут у Менску (у 1980 годзе).
Яшчэ ў школе пачаў пісаць і выконваць песьні на беларускай мове. Зьяўляецца ляўрэатам рэспубліканскіх і міжнародных конкурсаў аўтарскай песьні, выступае з канцэртамі ў многіх краінах Эўропы.
Тэксты песень перакладзеныя на ангельскую, нямецкую, украінскую, чэскую мовы.
Пачатак канцэрту а 19-й гадзіне. Квіткі можна набыць у касах гораду і онлайн. Інфалінія: 8-029-6490888, 8-033-3091137
Усім парам з нагоды дня Сьвятога Валянціна арганізатары абяцаюць кампакт-дыск у падарунак!
