Выступаючы 2 лютага ў Будапэшце, Мэркель выказалася за дыпляматычнае вырашэньне канфлікту ва Ўкраіне, які, па яе словах, «ня можа быць вырашаны ваенным шляхам».
Паводле дадзеных ААН, падчас канфлікту на ўсходзе Ўкраіне ад красавіка 2014 году загінулі прынамсі 5100 чалавек.
31 студзеня мірныя перамовы ў Менску не далі вынікаў, сэпаратысты абвінавацілі Кіеў у байкоце сустрэчы. У той жа час Украіна і АБСЭ заявілі, што сэпаратысты адмовіліся абмяркоўваць ключавыя пытаньні рэалізацыі мірнага пляну, падпісанага ў верасьні.
Міністар замежных спраў Расіі Сяргей Лаўроў падчас сёньняшняга візыту ў Кітай паўтарыў заклік Масквы да прамых перамоваў паміж Кіевам і лідэрамі сэпаратыстаў.
Лаўроў раскрытыкаваў ЗША за «безумоўную» падтрымку ўкраінскай улады, якая, па словах расейскага міністра, хоча вырашыць канфлікт сілай.
