Лінкі ўнівэрсальнага доступу

59-гадовы жыхар Бабруйску падарваў сябе каля крамы


Месца выбуху ў Бабруйску

Месца выбуху ў Бабруйску

1 лютага каля 21-й гадзіны ў Бабруйску на вуліцы Батава адбыўся выбух нявызначанай прылады, у выніку чаго загінуў мужчына.

Па факце самападрыву ў Бабруйску заведзена крымінальная справа па частцы 2 артыкулу 295 (набыцьцё і захоўваньне выбуховага прыстасаваньня) Крымінальнага кодэксу, паведамляе сайт Сьледчага камітэту Рэспублікі Беларусь.

«Усю ноч на месцы здарэньня працавалі сьледчыя ва ўзаемадзеяньні з супрацоўнікамі органаў унутраных спраў, спэцыялістамі Дзяржкамітэту судовых экспэртыз і Міністэрства надзвычайных сытуацый. Прыцягнута перасоўная крыміналістычная лябараторыя УСК па Магілёўскай вобласьці.

Месца выбуху ў Бабруйску

Месца выбуху ў Бабруйску

Іншых загінулых і пацярпелых няма. Вызначана, што самападрыў зьдзейсьніў 59-гадовы жыхар Бабруйску.

З паказаньняў відавочцаў вынікае, што каля 20.30 загінулы, будучы ў стане алькагольнага ап’яненьня, заходзіў у краму «Кошык», разьмешчаную на вуліцы Батава, дзе набыў сьпіртныя напоі. Пасьля гэтага зайшоў за краму, дзе праз пару хвілін адбыўся выбух.

Прызначаны шэраг экспэртыз, у тым ліку судова-мэдычная і крыміналістычная па выбуховым прыстасаваньні,— паведамляе Сьледчы камітэт.

Месца выбуху ў Бабруйску

Месца выбуху ў Бабруйску

Паказаць камэнтары

XS
SM
MD
LG