Press-kit у Палацы Незалежнасьці. На асадцы - надпіс "Беларусь" і арнамэнт.

Валер Каліноўскі цяпер знаходзіцца ў залі прэсавай канфэрэнцыі і распавядае:

«Гэтая заля ў Палацы незалежнасьці ніколі не выкарыстоўвалася для прэсавых канфэрэнцыяў. За 15 хвілін да пачатку загадалі адключыць мабільныя тэлефоны. Выйсьці з залі немагчыма, бо дзьверы на выхад — за сьпінай Лукашэнкі. Прывезьлі дэлегацыі дзяржаўнай прэсы з розных раёнаў, з кожнай вобласьці — па аўтобусу. Дзяржаўных журналістаў пасадзілі наперадзе, незалежных — у канцы залі. Радыё Свабода пасадзілі побач з УНІАН і Блумбэрг. Сярод незалежных журналістаў ёсьць „Эўрарадыё“, „Народная Воля“, „Наша Ніва“».

Шматвэктарнасьць Лукашэнка падкрэсьліў у самым пачатку свайго "адкрытага дыялёгу"

Лукашэнка:

«Тэмаў закрытых няма. Я гатовы адказаць на ўсе пытаньні. Не хацеў бы здавацца самым разумным, адказваючы на пытаньні. Запрашаю да адкрытага дыялёгу». ​

Лукашэнка гаворыць пра родную Ўкраіну.

«Я хацеў бы пераменаў. Я гатовы да любой мадэлі, але ці гатова грамадзтва? Думаю, не заўсёды. Мадэляў ня вельмі многа. Сацыяльна-арыентаваная мадэль у нас, мы не адмаўляемся і я не адмоўлюся да канца прэзыдэнцтва».

«Што кажуць пра брэжнеўскія часы? Што гэта былі лепшыя часы».

Эканаміст Сяргей Чалы шакаваны пачаткам прэс-канфэрэнцыі.

«Наш народ не перажыў таго гора, якое перажылі нашы браты ў былым Савецкім Саюзе».

«Што было з намі і што было ў нас, мы заходзілі ў краму як у пустыню».

«Быў тэзіс — запусьціць прадпрыемствы. Мы іх паднялі з каленяў».