Лінкі ўнівэрсальнага доступу

logo-print

Дзярждума РФ зьбіраецца асудзіць аб’яднаньне Нямеччыны


Сяргей Нарышкін

Сяргей Нарышкін

Старшыня Дзярждумы Расеі Сяргей Нарышкін даручыў камітэту па міжнародных справах прапрацаваць магчымасьць прыняцьця заявы, якая асуджае «анэксію Нямецкай Дэмакратычнай Рэспублікі Фэдэратыўнай Рэспублікай Нямеччынай ў 1989 годзе». Пра гэта паведамляе РИА-Новости.

З адпаведнай ініцыятывай выступіў пры абмеркаваньні парадку работы палаты дэпутат ад КПРФ Мікалай Іваноў. «Паважаны Сяргей Яўгенавіч, мы ўсё суперажывалі вам, калі 26 студзеня на прэсавай канфэрэнцыі ў Парлямэнцкай асамблеі Рады Эўропы вы адбівалі нападкі старшыні Ан Брасэр, якая абвинавачвала Расею ў „анэксіі“ Крыму — зьвярнуўся ён да сьпікера. — Прапаную ў якасьці кроку ў адказ даць даручэньне камітэту па міжнародных справах падрыхтаваць заяву, якая асуджае анэксію Нямецкай Дэмакратычнай Рэспублікі Фэдэратыўнай Рэспублікай Нямеччынай у 1989 годзе. Тым больш што, у адрозненьне ад Крыму, у НДР агульнанародны рэфэрэндум праведзены ня быў», — нагадаў ён.

Сам Нарышкін ужо выкарыстоўваў параўнаньне далучэньня Крыму да Расеі і ўзьяднаньня Нямеччыны.

«Спасылка красавіцкага рашэньня ПАРЭ на крымскія падзеі неправамоцная, таму што ўзьяднаньне Крыму з Расеяй было ажыцьцёўлена на падставе вынікаў самай дэмакратычнай працэдуры — рэфэрэндуму, калі 97% жыхароў Крыму выказаліся за ўзьяднаньне са сваёй Радзімай — Расеяй», — нагадаў тады старшыня Дзярждумы РФ.

На яго думку, калі прытрымлівацца лёгікі тых, хто называе гэтую гістарычную падзею «анэксіяй», то тады з такой жа лёгкасьцю «можна казаць пра тое, што ФРН анэксавала Усходнюю Нямеччыну». Але Расея катэгарычна супраць такой лёгікі як у выпадку з НДР, так і ў выпадку з Рэспублікай Крым. Мы заўсёды супраць «падвойных стандартаў», — сказаў у Страсбуры Сяргей Нарышкін.

Паказаць камэнтары

XS
SM
MD
LG