Лінкі ўнівэрсальнага доступу

ААН: Абстрэл Марыюпаля — мэтанакіраваны ўдар па мірным насельніцтве


Намесьнік генэральнага сакратара ААН Джэфры Фэлтман назваў парушэньнем міжнароднага гуманітарнага права суботні абстрэл Марыюпаля, які быў «мэтанакіраваным ударам па мірным насельніцтву».

«Мы павінны паслаць выразны сыгнал: вінаватыя павінны несьці пакараньне і павінны паўстаць перад судом», — заявіў ён у панядзелак на спэцыяльным пасяджэньні Рады бясьпекі ААН, прысьвечаным апошнім падзеям ва Ўкраіне.

Акрамя таго, ён заклікаў сэпаратыстаў выконваць нормы міжнароднага права, а Расею — паўплываць на ёю прарасейскіх узброеных сэпаратыстаў з групоўкі «ДНР» і «ЛНР», які яна падтрымлівае, для мірнага ўрэгуляваньня канфлікту.

Джэфры Фэлтман запэўніў, што ААН будзе далей садзейнічаць ўстойліваму і трываламу мірнаму працэсу на ўсходзе Ўкраіны.

«Больш за 5000 чалавек ужо загінула падчас гэтага канфлікту. Мы павінны знайсьці магчымасьць спыніць яго і зрабіць гэта цяпер», — падкрэсьліў галоўны прадстаўнік кіраўніцтва ААН.

Рада бясьпекі ААН правяла ў панядзелак пазачарговае пасяджэньне, прысьвечанае крызысу ва Ўкраіне і дзеяньням Расеі пасьля апошняга масавага забойства цывільных, якое зьдзейсьнілі прарасейскія баевікі ў канцы мінулага тыдня ў горадзе Марыюпалі Данецкай вобласьці. Паводле зьвестак украінскіх сілавікоў, у абстрэле жылых раёнаў горада з установак «Град», пад час якога было забіта 30 чалавек і больш за 100 паранена, прымалі ўдзел ня толькі мясцовыя прарасейскія сэпаратысты, але і рэгулярныя войскі Расеі.

У апошні час становішча ў зоне канфлікту рэзка абвастрылася пасьля таго, як сілы ўзброеных прарасейскіх сэпаратыстаў і расейскіх войскаў раз парушылі рэжым спыненьня агню і пачалі масіраваны наступ на пазыцыі ўкраінскіх сіл.

XS
SM
MD
LG