Старшыні Аб’яднанай грамадзянскай партыі Анатолю Лябедзьку даслалі позву з РУУС Цэнтральнага раёну Менску, што ён абавязаны зьявіцца ў пастарунак.
Як пазначана ў позьве, гэта неабходна «для разгляду справы аб адміністрацыйным правапарушэньні».
Зьявіцца ў пастарунак палітык мусіў 23 студзеня а 15 гадзіне.
Лябедзька напісаў у фэйсбуку, што гэтую позву дастаў з паштовай скрыні, калі пазначаны ў ёй час ужо прамінуў.
Лябедзька сказаў карэспандэнту Свабоды, што міліцыянтаў зацікавіў пікет салідарнасьці Je suis Charlie, які прайшоў 11 студзеня ля амбасады Францыі ў Менску.
