У Данбасе ў баях з украінскімі вайскоўцамі за апошні тыдзень забітыя каля 300 расейскіх салдат і сэпаратыстаў.
Пра гэта заявіў дарадца Міністра ўнутраных спраў Украіны Антон Герашчанка. Паводле яго слоў, прадстаўнікі так званай «Данецкай народнай рэспублікі» (ДНР) панесьлі страты пры атаках Данецкага аэрапорта, абстрэлах гарадоў Горлаўка, Камсамольскі і Валнаваха.
Расейская праваабаронца Алена Васільева, якая займаецца расьсьледаваньнем гібелі расейскіх вайскоўцаў на ўсходзе Ўкраіны, у панядзелак апублікавала інфармацыю аб тым, што за апошнія дні ў Данбасе загінулі 382 расійскіх вайскоўцаў, каля 500 параненыя.
У аўторак у раёне Данецкага аэрапорта працягваюцца баі. Жыхары Данецка паведамляюць, што ў горадзе чуваць стрэлы і выбухі. Кіраўнік самаабвешчанай ДНР Аляксандр Захарчанка напярэдадні заявіў, што прарасейскія сэпаратысты занялі ўсю тэрыторыю стратэгічнага аб’екта. Прадстаўнікі камандаваньня ўкраінскай арміі абвяргаюць гэтую інфармацыю.