Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.
Афіша:
Менск, кнігарня «логвінаЎ», прэсавая канфэрэнцыя Ігара Логвінава наконт судовага разбору адносна кіраванага ім выданьня. Пачатак а 14-й гадзіне.
Менскае Эпархіяльнае ўпраўленьне (вул. Вызваленьня, 10), мітрапаліт Менскі і Заслаўскі Павал, Патрыяршы Экзарх усяе Беларусі правядзе прэсавую канфэрэнцыю з нагоды гадавіны свайго прызначэньня прадстаяцелем Беларускай Праваслаўнай Царквы. Пачатак у 16 гадзінаў.
Кіеў, ва Ўкраіне пачынаецца чацьвёртая хваля мабілізацыі.
У гісторыі:
1433 — першае летапіснае ўпамінаньне пра Талачын.
1960 — у Беларусі скасаваная Маладэчанская вобласьць і ўсталяваны той абласны падзел, што існуе да сёньня.
1990 — увод савецкіх войскаў у сталіцу Азэрбайджану Баку (Чорны студзень)
1992 — Беларусь устанавіла дыпляматычныя дачыненьні з Кітайскай Народнай Рэспублікай.
2005 — у Калінінградзе адкрылі помнік Францішку Скарыну.
Паводле 20-й папраўцы да Канстытуцыі ЗША, прынятай у 1933 годзе, 20 студзеня — дзень інагурацыі абраных прэзыдэнтаў ЗША.
У памяці:
1891 — Фабіян Ярэміч, беларускі грамадзка-палітычны дзяяч.
1892 — Браніслаў Тарашкевіч, беларускі мовазнаўца і палітычны дзяяч.
1892 — Рыгор Шырма,зьбіральнік і прапагандыст беларускай народнай песьні .
1907 — Iван Лушчыцкi, беларускі філёзаф.
1913 — Ларыса Алексютовіч, танцорка, балетмайстар, заслужаная дзяячка мастацтваў Беларусi.
1920 — Фэдэрыка Фэліні, італьянскі сцэнарыст і кінарэжысэр
Цытата:
Без дэмакратызацыі культуры свабоды палітычныя — адна мёртвая літара.
Браніслаў Тарашкевіч