У Празе каля 500 пратэстоўцаў сабраліся ў пятніцу на антыісламскую дэманстрацыю. На мітынгу выступілі прадстаўнікі папулісцкай партыі «Зара прамой дэмакратыі» і правай апазыцыйнай Грамадзянскай дэмакратычнай партыі.
Выказваючы настроі, сугучныя зь нядаўняй маніфэстацыяй супраць ісламу ў Дрэздэне, на ўсходзе Германіі, некаторыя ўдзельнікі дэманстрацыі ў Празе прыраўноўвалі іслам да тэрарызму і заявілі, што хочуць абараніць свае чэскія традыцыі ад уплыву ісламу.
Дэманстранты несьлі плякаты і транспаранты зь лёзунгамі «Эўропа, прачніся!», «Іслам — гэта зло!» і «Умеркаванага ісламу не існуе».
Арганізатары мітынгу былі з групы, якая называе сябе «мы ня хочам ісламу ў Чэскай Рэспубліцы». Каля 20 чалавек прынялі ўдзел у контр-дэманстрацыі супраць расізму і ксэнафобіі, якая праходзіла побач.