Лінкі ўнівэрсальнага доступу

Абама і Мэркель абмеркавалі пакет новай дапамогі Ўкраіне


Прэзыдэнт ЗША Барак Абама абмеркаваў па тэлефоне з канцлерам Нямеччыны Ангелай Мэркель падзеі ва Ўкраіне і патрэбу новага пакету дапамогі рэформам.

Пра гэта паведаміла прэс-служба Белага дома.

Паводле зьвестак прэсавай службы прэзыдэнта ЗША, лідэры дзьвюх краін абмеркавалі падтрымку пакета захадаў па міжнародным фінансаваньні Ўкраіны ў той час, калі гэтая краіна ажыцьцяўляе амбіцыйную праграму рэформаў.

Суразмоўцы адзначылі нядаўнія заявы з боку ЗША і Эўрапейскага зьвязу аб новай фінансавай дапамозе Ўкраіне. Яны таксама выказалі занепакоенасьць з нагоды росту гвалту з боку прарасейскіх сэпаратыстаў на ўсходзе Ўкраіны і пацьвердзілі сваю дамоўленасьць аб неабходнасьці поўнага і хутчэйшага ажыцьцяўленьня Менскіх пагадненьняў для трывалага і мірнага ўрэгуляваньня канфлікту.

XS
SM
MD
LG