Лінкі ўнівэрсальнага доступу

Украіна ў жалобе па ахвярах абстрэлу пад Валнавахай


У чацьвер а 12 гадзіне Ўкраіна ўшануе памяць загінулых у абстрэле паблізу горада Валнаваха Данецкай вобласьці хвілінай маўчаньня.

Адпаведны ўказ выдаў у сераду ўкраінскі прэзыдэнт Пятро Парашэнка.

15 студзеня прэзыдэнт Парашэнка абвясьціў днём жалобы па загінуўшых у канфлікце на ўсходзе Ўкраіны.

«Я прыняў рашэнне абвясьціць студзеня 15 днём жалобы па ўсіх, хто загінуў ад рук тэрарыстаў, і ў першую чаргу за 12 мірнымі жыхарамі, якія загінулі на блёкпосце пад Валнавахай», — сказаў Парашэнка.

Колькасьць забітых ад выстралаў «Граду» на гэты момант склала 13 чалавек, яшчэ 15 застаюцца ў шпіталях у цяжкім стане.

Сёньня ва Ўкраіне адмененыя забаўляльна-канцэртныя мерапрыемствы і спартыўныя спаборніцтвы, а ў праграмы тэле- і радыёперадач унесеныя адпаведныя зьмены.

Сусьветная супольнасьць асудзіла абстрэл цывільнага аўтобуса ў Данецкай вобласьці. Рада бясьпекі ААН заклікала правесьці аб’ектыўнае расьсьледаваньне гэтага абстрэлу, а ў ЭЗ і АБСЭ заклікалі выконваць умовы замірэньня.

Спачуваньні з нагоды трагедыі народу Ўкраіны выказалі францускі прэзыдэнт Франсуа Алянд і нямецкі канцлер Ангела Мэркель; абстрэл асудзілі і ў Вашынгтоне.

Пракуратура Данецкай вобласьці завяла справу па артыкуле тэракт. Афіцыйны Кіеў абвінаваціў у яго зьдзяйсьненьні прарасейскіх сэпаратыстаў.

Апошнім часам сэпаратысты так званых ДНР і ЛНР і расейскія вайскоўцы, якія захапілі частку Лугаскай і Данецкай абласьцей актывізавалі гарматныя абстрэлы пазыцый украінскіх вайскоўцаў, працягваюцца атакі на Данецкі аэрапорт, дзе ідуць найбольш жорсткія баі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG