Лінкі ўнівэрсальнага доступу

Фота дня: Зэльва, зіма 2015. Фота: Roman Mosko

Афіша:

У Партрэтнай залі Мірскага замка адбудзецца «Калядны баль для маленькіх кавалераў і дам». Удзельнікі сьвята змогуць перанесьціся ў навагоднюю казку, дапамагчы героям балю перамагчы злыя сілы і навучыцца танцаваць пад гукі палянэза, вальса, полькі-тройкі. Пачатак у 12.00 і 15.00.

Увечары ў Мірскім замку будзе працаваць «рэтра-салён» у стылі 1920-1930-х гадоў, дзе кожны госьць зможа перанесьціся ў эпоху шалёных гангстэраў і модных лэдзі, бляску казыно і іскрамётнага джазу. У гэты вечар ўсіх наведвальнікаў чакаюць музыка, танцы, а таксама гульні і забавы таго часу. Удзельнікі мерапрыемства павінны прыйсьці ў вопратцы ў стылі 1920-1930-х гадоў.

У гісторыі:

У 1793 адбыўся другі падзел Рэчы Паспалітай.

У 1905 расейскія войскі пацярпелі моцную паразу ў вайне зь Японіяй. Быў здадзены японцам горад Порт-Артур, а ў бухце Порт-Артура японцы затапілі расейскі браняносец «Севастопаль».

У памяці:

У 1886 нарадзіўся беларускі кампазытар Мікола Равенскі.

У 1949 нарадзіўся Генадзь Навіцкі, прэм’ер-міністар Рэспублікі Беларусь.

У 1950 нарадзіўся беларускі палітык Сямён Домаш.

У 1958 нарадзіўся алімпійскі чэмпіён, вясьляр Уладзімер Парфяновіч.

Цытата:

У нябеснай жанчыны блакітная кроў
і з валокнаў сінечы сатканае сэрца.
Яна любіць гуляць на руінах муроў
і чакаць, покуль грэх з пакараньнем сальецца.

Яе першым каханым быў прывід-вар’ят,
што пакінуў сляды пацалункаў на вуснах.
А прызначаным лёсам стаў баль-маскарад,
залучыўшы мадонну ў палон свой спакусны.

І багіня, і служка ў абліччы адным
у пакутах мэлёдыю сьвету стварае.
Голас Вечнасьці ціха сьпявае аб тым,
што яе таямнічасьць зусім не зямная.

Ірына Хадарэнка, “Мадонна зь нябыту”.

XS
SM
MD
LG