Лінкі ўнівэрсальнага доступу

Ужо сёньня, 30 сьнежня: дзень памяці Аляксандра Цьвікевіча


Аляксандар Цьвікевіч

Аляксандар Цьвікевіч

Гэты дзень у Беларусі, сьвеце, гісторыі.

ПАДЗЕІ ДНЯ

Паводле рашэньня Нацыянальнага банку, памер камісійнага збору пры набыцьці замежнай валюты зьніжаецца ад 30 да 20 адсоткаў.

Менск — выстава працаў беларускіх фатографаў «Бліжэй, чым блізка». ЦЭХ (Пр-т Незалежнасьці, 58 корпус 6).

Прага — у катэдры сьвятога Віта супольная малітва беларусаў і ўкраінцаў — удзельнікаў 37-й Эўрапейскай сустрэчы моладзі, арганізаванай Супольнасьцю Тэзэ (Taizé). Пачатак а 13-ай.

Гэты дзень у гісторыі:

1667 — быў закрыты Віленскі манэтны двор. З канца XV стагодзьдзя ён быў асноўным цэнтрам манэтнай прамысловасьці Вялікага Княства Літоўскага.

1842 — у дачыненьні да Беларусі ўпершыню быў ужыты расейскі імпэрскі тэрмін «Северо-Западный край».

1922 — Беларусь уключылі ў склад СССР. І Усесаюзны зьезд саветаў прыняў дэклярацыю і дагавор аб утварэньні СССР.

1966 — улады БССР прынялі пастанову аб выданьні «Беларускай савецкай энцыкляпэдыі».

1990 — пачаўся рэгулярны рух цягнікоў па другой лініі Менскага мэтрапалітэну на ўчастку ад станцыі «Трактарны завод» да станцыі «Фрунзэнская».

1992 — Беларусь устанавіла дыпляматычныя дачыненьні зь Літвой.

2004 — Міхаіла Марыніча, былога беларускага міністра і пасла, засудзілі на 5 гадоў турмы за нібыта скрадзеныя кампутары.

У гэты дзень нарадзіліся:

1865 — Рэдзьярд Кіплінг, ангельскі пісьменьнік, ляўрэат Нобэлеўскай прэміі.

1904 — Зэлік Аксельрод, беларускі габрэйскі паэт, перакладчык беларускай паэзіі на ідыш.

У гэты дзень памерлі:

1937 — у Менску расстралялі Аляксандра Цьвікевіча, беларускага палітыка, гісторыка, публіцыста, міністра замежных спраў ва ўрадзе БНР.

«I ня будзем чакаць ласкi пана Варшаўскага i камунiста Маскоўскага. Нават у змрочныя часы, калi па беларускай нiве прайшоў першы плуг нацыянальнага руху, арыентацыi не было. I цяпер яе ня будзе. Мы аб’яднаемся вакол аднаго лёзунга: свабодная i незалежная Беларусь»

Аляксандар Цьвікевіч, 1921 год

1957 — Юры Сабалеўскі, беларускі палітычны дзяяч, пасол на Сэйм Другой Рэчы Паспалітай (1925-1928).

Каляндар Бахарэвіча:

30 сьнежня, дзень, які дзе-нідзе можа і не надысьці

Паказаць камэнтары

XS
SM
MD
LG