Лінкі ўнівэрсальнага доступу

Баку Вашынгтону: Сапраўдная «радзіма гвалту і карупцыі» — ЗША


Апячатаныя пракуратурай 26 сьнежня 2014 году дзьверы бакінскагна бюро Радыё Свабода.

Апячатаныя пракуратурай 26 сьнежня 2014 году дзьверы бакінскагна бюро Радыё Свабода.

Высокапастаўлены чыноўнік адміністрацыі прэзыдэнта Азэрбайджану рэзка зрэагаваў на амэрыканскую крытыку закрыцьця бюро Радыё Свабода ў Баку, параіўшы Вашынгтону заняцца праблемамі ў сваёй краіне.

Наўруз Мамедаў, намесьнік кіраўніка адміністрацыі прэзыдэнта Ільхама Аліева і дырэктар аддзелу адміністрацыі па зьнешніх сувязях, напісаў у Твітэры, што ў сувязі з закрыцьцём бюро РС у Баку амэрыканскія дыпляматы «губляюць пачуцьцё меры». Мамедаў дадаў, што «сапраўднай радзімай гвалту, карупцыі і арыштаў» зьяўляюцца ЗША.

Мамедаў адказваў на ранейшы запіс у Твітэры амбасадара ЗША ў Арганізацыі па бясьпецы і супрацоўніцтве ў Эўропе (АБСЕ) Дэніэла Бэра. Бэр напісаў 27 сьнежня, што рашэньне Баку закрыць бюро Радыё Свабода ўрадам характарызуе «паводзіны слабых, няўпэўненых і карумпаваных» палітычных лідэраў.

Мамэдаў напісаў, што «было б лепш», калі б Бэр зьвярнуў увагу на падзеі ў сваёй краіне, згадаўшы пры гэтым нядаўнюю справаздачу Сэнату ЗША аб катаваньнях, якія ЦРУ ўжывала ў адносінах да падазраваных у тэрарызьме.

Праваахоўныя органы Азэрбайджану апячаталі бюро РС у Баку 27 сьнежня, пасьля ператрусу памяшканьняў і затрыманьня журналістаў. У той самы вечар улады таксама пачалі праводзіць ператрусы ў дамах супрацоўнікаў Радыё Свабода.

XS
SM
MD
LG