Дарадца кіраўніка СБУ Маркіян Лубкіўскі абверг гэтую заяву, адзначыўшы, што дадзеныя аб адсутнасьці на месцы катастрофы ўкраінскіх баявых самалётаў пацьвярджаюцца матэрыяламі аб’ектыўнага кантролю сыстэмы збору і апрацоўкі радыёлякацыйнай інфармацыі Днепрапятроўскага радыёдыспэтчарскага цэнтру прадпрыемства «Украэрарух» за 17 ліпеня.
Акрамя таго, Лубкіўскі адзначыў, што капітан Уладзіслаў Валошын, пілёт, аб якім заяўляюць расейскія сьледчыя, сапраўды ўдзельнічаў у Антытэрарыстычнай апэрацыі і быў 17 ліпеня на аэрадроме Днепрапятроўску.
«Разам з тым, па паведамленьні камандаваньня Паветраных сілаў Украіны і вайсковай частцы А4465, гэты вайсковец у гэты дзень вылетаў не рабіў, а яго самалёт знаходзіўся на рамонце з-за пашкоджаньня падчас пасадкі 16 ліпеня», — адзначыў Лубкіўскі.
У ходзе допыту Валошын паведаміў, што падчас правядзеньня антытэрарыстычнай апэрацыі сродкі паражэньня супраць любых паветраных мэтаў ён не выкарыстоўваў, і гэта пацьвярджаюць дадзеныя аб’ектыўнага кантролю за правядзеньнем палётаў, дадаў прадстаўнік СБУ.
Раней сёньня Сьледчы камітэт Расеі заявіў аб наяўнасьці доказаў аб датычнасьці ўкраінскага ваеннага самалёта Су-25 да катастрофы самалёта «малайзійскіх авіяліній» ў Данецкай вобласьці.
