«Я гатовы абмеркаваць сёньня працяг нашага супрацоўніцтва ў практычнай плоскасьці. Гэта тычыцца сыстэм С-300, стварэньня і знаходжаньня авіяцыйнай базы ў Беларусі з павелічэньнем колькасьці самалётаў і верталётаў. Гэта павінна забясьпечыць бясьпеку нашай агульнай паветранай прасторы», — заявіў Шайгу, якога цытуе Інтэрфакс.
Іншым кірункам расейска-беларускага супрацоўніцтва міністар абароны Расеі назваў правядзеньне сумесных вучэньняў:
Яны сталі рэгулярнымі, поўнамаштабнымі. Нам трэба будзе ў наступным годзе правесьці яшчэ шэраг вучэньняў, прычым, сумеснае апэратыўнае вучэньне „Шчыт Саюза-2015“ стане галоўным мерапрыемствам сумеснай падрыхтоўкі ўзброеных сіл Расеі і Беларусі ў 2015 годзе
«Яны сталі рэгулярнымі, поўнамаштабнымі. Нам трэба будзе ў наступным годзе правесьці яшчэ шэраг вучэньняў, прычым, сумеснае апэратыўнае вучэньне „Шчыт Саюза-2015“ стане галоўным мерапрыемствам сумеснай падрыхтоўкі ўзброеных сіл Расеі і Беларусі ў 2015 годзе».
Расея хоча ў 2016 годзе стварыць у Бабруйску сваю авіябазу, дзе разьмесьціць зьнішчальнікі Су-27. Раней Расея вырашыла перакінуць на беларускі аэрадром Баранавічы авіяполк з 24 зьнішчальнікаў Су-27СМ3.