Лінкі ўнівэрсальнага доступу

logo-print

Эўрапарлямэнт падтрымаў ідэю прызнаньня палестынскай дзяржавы


Эўрапейскі парлямэнт у сераду падтрымаў «у прынцыпе» ідэю прызнаньня палестынскай дзяржавы на базе мірнага суіснаваньня з Ізраілем у межах 1967 году. Ерусалім павінен стаць сталіцай абедзьвюх дзяржаваў.

У рэзалюцыі, якая ня носіць абавязковага юрыдычнага характару, падкрэсьліваецца, што такое рашэньне павінна грунтавацца на праве нацый на самавызначэньне і поўным выкананьні міжнародных законаў.

У дакумэнце падкрэсьліваецца важнасьць кансалідацыі палестынскіх палітычных сілаў, уключаючы ХАМАС, а таксама гаворыцца аб незаконнасьці габрэйскіх паселішчаў.

Пры гэтым дэпутаты рашуча асудзілі акты тэрарызму і гвалт у рэгіёне. Эўрапарлямэнт выступіў з ініцыятывай правесьці сустрэчу ізраільскіх і палестынскіх заканадаўцаў.

XS
SM
MD
LG