Польскі прэзыдэнт заявіў пра гэта на сустрэчы з кіраўніком украінскай дзяржавы Пятром Парашэнкам ў Варшаве.
«Я ведаю, што вас вельмі цікавіць пытаньне ўзбраеньня. Дык вось я скажу, што нідзе ня чуў, каб было нейкае эмбарга на продаж зброі Ўкраіне», — заявіў Камароўскі.
«Калі Ўкраіна будзе ў гэтым зацікаўлена, то, вядома ж, Польшча абсалютна адкрыта да такіх размоваў», — дадаў прэзыдэнт Польшчы.
У мэдыяпаведамленьнях не гаворыцца, што Парашэнка адказаў на прапанову.
Прэзыдэнт Украіны Пятро Парашэнка заявіў сёньня, што неўзабаве ён зьвернецца да парлямэнту з прапановай адмяніць нэўтральны пазаблёкавы статус Украіны. Выступаючы ў польскім парлямэнце, Парашэнка сказаў пра сваё рашэньне, што яго краіна будзе рухацца ў сфэру эўра-атлянтычнай бясьпекі, не згадваючы пры гэты м слова НАТО.
