Расейскі прэм’ер-міністар Дзьмітрый Мядзьведзеў заявіў, што ад 1 студзеня 2015 году «шэрыя» ўкраінскія работнікі, якія складаюць значную частку працоўнай сілы з-за мяжы ў РФ, «працу без патэнта ў Расеі не атрымаюць».
«Больш строга мы будзем ставіцца і да захаваньня тэрмінаў знаходжаньня ў нашай краіне — 90 дзён на працягу паўгода. Раней было дастаткова выехаць з Расеі і зноў ўехаць назад, каб без праблемаў працаваць тут наступныя тры месяцы. Цяпер да такіх украінцаў-падарожнікаў безь ліцэнзіі на працу ў Расеі нашы памежнікі будуць ставіцца з падвышанай увагай,» — заявіў кіраўнік расейскага ўраду.
«Шкоду нанясе скарачэньне грашовых пераводаў на радзіму ад тых украінцаў, якія працуюць у Расеі. А на сёньняшні дзень толькі высокакваліфікаваных спэцыялістаў і тых, хто працуе з афіцыйным дазволам на працу або з патэнтамі — амаль 400 тысяч чалавек,» — адзначыў Мядзьведзеў.