Лінкі ўнівэрсальнага доступу

Дзяржсакратар ЗША прыбыў у Рым, дзе правядзе перамовы наконт Украіны


Дзяржсакратар ЗША Джон Кэры прыбыў у нядзелю ў Рым, дзе павінен сустрэцца зь міністрам замежных справаў Расіі Сяргеем Лаўровым для перамоваў наконт крызісу ва Ўкраіне.

Паведамляецца, што Кэры правядзе двухбаковую сустрэчу з Лаўровым ўвечары 14 сьнежня.

Напярэдадні намесьнік міністра замежных спраў Расіі Сяргей Рабкоў заявіў, што Лаўроў мае намер выказаць заклапочанасьць Масквы з нагоды «Закону аб падтрымцы волі ва Ўкраіне», прынятага кангрэсам ЗША.

Вашынгтон абвінавачвае Расею ў падтрымцы сэпаратыстаў на ўсходзе Украіны. У выніку гэтага канфлікту загінула больш за 4600 чалавек.

Кэры будзе знаходзіцца ў Рыме да 15 сьнежня. Ён таксама сустрэнецца з прэм’ер-міністрам Ізраіля Біньямінам Нэтаньягу, каб абмеркаваць становішча на Блізкім Усходзе і узрослыя настроі ў падтрымку прызнаньня Палестынскай дзяржавы.

XS
SM
MD
LG