Лінкі ўнівэрсальнага доступу

6 сьнежня на вуліцах Менску пляцоўка «Арт-сядзіба» правяла гучную акцыю раздаваньня стужак зь беларускім арнамэнтам.

Што значыць яе дэвіз — «пазнач сябе беларусам»? Якая мэта акцыі: пратэст, кансалідацыя, мабілізацыя?

У чым падабенства сучасных моладзевых культурніцкіх ініцыятываў зь мерапрыемствамі, якія ладзіліся нацыянальна арыентаванай моладзьдзю ў 1980-х гадох? Ці не назіраем мы сёньня, як і тады, прадвесьне новага адраджэнцкага руху, і ў што ён можа выліцца?

Чаму ў Расеі пачынаюць баяцца новага беларускага нацыянальнага руху, зьвязваючы яго з украінскім Эўрамайданам, і чаму беларускія ўлады ставяцца да афарбаваных у нацыянальныя колеры мерапрыемстваў моладзі адносна ляяльна?

У перадачы бяруць удзел дырэктар «Арт-сядзібы» Павал Белавус і актывіст нацыянальна-культурнага адраджэньня 1980-х — 1990-х гадоў, пісьменьнік, журналіст Радыё Свабода Сяргей Дубавец.

Перадачу вядзе Вячаслаў Ракіцкі.

  • 16x9 Image

    Вячаслаў Ракіцкі

    Вячаслаў Ракіцкі – беларускі журналіст, тэатральны і кінакрытык, рэжысэр і сцэнарыст дакумэнтальнага кіно, перакладчык. Кандыдат мастацтвазнаўства. Сябра Саюзу беларускіх пісьменьнікаў і Беларускай асацыяцыі журналістаў. Аўтар Радыё Свабода з 1997 году.

Паказаць камэнтары

XS
SM
MD
LG