Лінкі ўнівэрсальнага доступу

У Нігерыі затрыманы расейскі самалёт са зброяй на борце


Улады Нігерыі затрымалі расейскі грузавы самалёт і яго экіпаж, які гаворыць па-француску. Самалёт зьдзейсьніў вымушаную пасадку ў горадзе Кано на поўначы Нігерыі. На яго борце была знойдзеная незадэкляраваная зброя.

Камандаваньне нігерыйскіх ваенна-паветраных сілаў пацьвердзіла затрыманьне самалёта, але іншых падрабязнасьцяў не паведаміла.

Самалёт накіроўваўся са сталіцы Цэнтральнаафрыканскай рэспублікі горада Банга ў сталіцу Чада горад Нджамена, але быў вымушаны зьдзейсьніць пасадку ў Кано ў сувязі з часовым закрыцьцём аэрапорту Нджамены.

На борце расейскага самалёта знаходзіліся два верталёты, браніраваны пазадарожнік і скрыні, як мяркуецца, са зброяй.

Пяцёра чальцоў экіпажу затрыманыя для допыту і расьсьледаваньня абставінаў незаконнай перавозкі ваенных грузаў і ўстанаўленьня іх атрымальнікаў.

XS
SM
MD
LG