Лінкі ўнівэрсальнага доступу

Ужо сёньня, 5 сьнежня. «Вясна барбараў» у Менску, народзіны Алеся Разанава


Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

У Менскім міжнародным адукацыйным цэнтры адбудзецца пяты Фэстываль нефармальнай адукацыі. У фэстывалі бяруць удзел прадстаўнікі адукацыйных установаў Беларусі, СНД і краінаў Эўропы. Пачатак а 9-й гадзіне.

У менскім гатэльным комплексе «Алмаз» адбудзецца зьезд Беларускага Кангрэсу дэмакратычных прафсаюзаў (БКДП). Пачатак а 10-й гадзіне.

У менскай галерэі сучаснага мастацтва «Ў» пачнецца выстава Transition. На ёй будуць дэманстраваць творы сучасных фатографаў з усяго сьвету, якія актыўна выкарыстоўваюць мабільныя тэхналёгіі. Адкрыцьцё а 19-й гадзіне. Уваход вольны.

У актавай залі Інстытуту імя Гётэ ў Менску адбудзецца прэзэнтацыя новай кнігі Ёнаса Люшэра «Вясна барбараў» у перакладзе на беларускую мову. Уваход вольны. Пачатак а 19-й гадзіне.

ЁСЬЦЬ НАГОДА

Міжнародны дзень валянтэраў.

ГЭТЫ ДЗЕНЬ У ГІСТОРЫІ

1484 — Папа Рымскі Інакенцій VIII выдаў булу, якая паклала пачатак паляваньню на ведзьмаў па ўсёй Эўропе.

1492 — Хрыстафор Калюмб дасягнуў вострава Гаіці.

1936 — прынятая сталінская канстытуцыя СССР.

1965 — на Пушкінскай плошчы ў Маскве адбыўся Мітынг галоснасьці — першая публічная акцыя савецкіх дысыдэнтаў.

1994 — на нарадзе кіраўнікоў краінаў АБСЭ Вялікабрытанія, ЗША і Расея гарантавалі Беларусі, Казахстану і Ўкраіне бясьпеку і тэрытарыяльную цэласнасьць.

У гэты дзень нарадзіліся:

1803 — Фёдар Цютчаў, расейскі паэт.

1867 — Юзэф Пілсудзкі, польскі дзяржаўны і палітычны дзяяч, першы кіраўнік адроджанай Польшчы.

1901 — Уолт Дыснэй, амэрыканскі мультыплікатар.

1947 — Алесь Разанаў, беларускі паэт і перакладчык.

У гэты дзень памерлі:

1791 — Вольфганг Амадэй Моцарт, аўстрыйскі кампазытар.

1870 — Аляксандар Дзюма-бацька, францускі пісьменьнік.

1925 — Уладзіслаў Рэймант, польскі пісьменьнік, ляўрэат Нобэлеўскай прэміі.

1926 — Клёд Манэ, францускі мастак, пачынальніка імпрэсіянізму.

1992 — Мікалай Ігнатовіч, першы генэральны пракурор незалежнай Рэспублікі Беларусі. Ігнатовіч падтрымліваў дэмакратычны рух у краіне ў часы перабудовы і сам быў падтрыманы БНФ на выбарах у апошні Вярхоўны Савет СССР.

2008 — Патрыярх Расейскай Праваслаўнай царквы Аляксій ІІ.

Календар Бахарэвіча

5 сьнежня 1484 папа Інакенці VIII выдае булу супраць ведзьмаў

XS
SM
MD
LG