«Колькі часу спатрэбіцца беларускаму боку, для таго, каб арганізаваць чарговае паседжаньне кантактнай група па Беларусі?» — запыталіся журналісты падчас брыфінгу ў прэсавага сакратара Міністэрства замежных спраў Беларусі Дзьмітрыя Мірончыка.
Пытаньне ўзьнікла таму, што ў шэрагу СМІ зьявілася паведамленьне пра тое, што чарговае паседжаньне кантактнай групы можа адбыцца ў Менску на наступным тыдні.
«Беларусь гатовая надзвычай апэратыўна зрабіць усё для правядзеньня такой сустрэчы», — сказаў Дзьмітры Мірончык.
«Размова ў дадзеным выпадку ідзе не пра суткі, а пра гадзіны», — падкрэсьліў афіцыйны прадстаўнік МЗС Беларусі.