Лінкі ўнівэрсальнага доступу

Перамовы па Данбасе могуць аднавіць на наступным тыдні ў Менску,— Кучма


Леанид Кучма

Леанид Кучма

Былы прэзыдэнт Украіны Леанід Кучма заявіў, што новы раунд перамоў па ўрэгуляваньні сытуацыі ў Данбасе можа прайсьці ў Беларусі на наступным тыдні.

Гэтыя сустрэчы праходзяць у Менску ў фармаце «Расея-Украіна-АБСЭ», Леанід Кучма прадстаўляе на іх Украіну.

На пачатку верасьня перамоўшчыкі дамовіліся аб замірэньні, але яно рэгулярна парушаецца.

«Наступны раўнд можа быць на наступным тыдні», — сказаў Леанід Кучма журналістам у Кіеве аб перамовах па ўрэгуляваньні сытуацыі ў Данбасе.

Паводле яго слоў, мінскія дамоўленасьці зьяўляюцца «асноватворным дакумэнтам».

"Агонь не спыніўся, але я лічу, што гэта асноватворны дакумэнт, на які спасылаецца ўвесь сьвет, і важна, што подпіс пад ім паставіла і Расея«,— адзначыў спадар Кучма, якога цытуе ВВС.

20 лістапада ў ААН паведамлялі, што за час прыпыненьня агню толькі паводле афіцыйных зьвестак загінулі каля тысячы чалавек.

У кіраўніцтве самаабвешчанай «Данецкай народнай рэспублікі» тым часам заявілі, што пакуль не маюць інфармацыі аб пасяджэньні кантактнай групы.

XS
SM
MD
LG