Лінкі ўнівэрсальнага доступу

Беларускі пасол адказаў у МЗС Украіны за адабраныя сьцягі


Фрагмэнт відэа, на якім АМАП адбірае сьцяг

Фрагмэнт відэа, на якім АМАП адбірае сьцяг

Пасла Беларусі ва Ўкраіне Валянціна Вялічку 24 лістапада выклікалі ў Міністэрства замежных спраў Украіны ў сувязі з інцыдэнтамі з украінскімі сьцягамі на канцэрце «Акіяна Эльзы» ў Менску.

Пасла Беларусі ва Ўкраіне Валянціна Вялічку 24 лістапада выклікалі ў Міністэрства замежных спраў Украіны ў сувязі з інцыдэнтамі з украінскімі сьцягамі на канцэрце «Акіяна Эльзы» ў Менску.

Пра гэта паведаміў прэс-сакратар украінскага МЗС Яўген Перабійніс.

«Ён быў запрошаны ў МЗС для таго, каб патлумачыць прычыны такіх паводзінаў беларускіх міліцыянтаў на гэтым мерапрыемстве. Тлумачэньне было такое ж, як і ў МЗС у твітэры. Ён адказаў, што існуюць інструкцыі, якія забараняюць выкарыстаньне сьцягоў на такіх масавых мерапрыемствах.

Але тут нават справа не ў інструкцыях, а ў тым, што, сапраўды, была прадэманстравана пэўная непавага да дзяржаўных сымбаляў прыязнай суседняй краіны. Менавіта ў гэтым і палягала наша пытаньне. Таму мы спадзяёмся, што будуць зробленыя пэўныя высновы», — цытуе БелаПАН прэс-сакратара МЗС Украіны.

Юбілейны канцэрт «Акіяна Эльзы», які прайшоў 21 лістапада ў «Менск-Арэне», супаў з Днём годнасьці і свабоды, які ў гэтым годзе ўпершыню адзначаўся ва Ўкраіне ў сувязі з гадавінай Майдану. Некаторыя прыхільнікі гурту несьлі на канцэрт дзяржаўныя сьцягі і іншую сымболіку Ўкраіны, якую канфіскоўвалі ля ўваходу ў «Менск-Арэну» супрацоўнікі АМАПу. Інцыдэнты працягваліся і ў зале, куды некаторым гледачам усё ж удалося пранесьці сьцягі і стужачкі нацыянальных колераў Украіны.

На запыт прадстаўніка ўкраінскага МЗС зьявіўся адказ у твітэры МЗС Беларусі:

«Паводле дадзеных МУС, калі на канцэрце аншляг, тое самае было б і з нашым сьцягам, каб не замінаў гледачам. Любяць у нас „Акіян Эльзы!»

Як патлумачыў Дзьмітры Мірончык Інтэрфаксy, на канцэрне «Акіяна Эльзы» ў Менску было больш за 14 тысяч гледачоў. Маўляў, з-за аншлягу ў залі міліцыянты прасілі гледачоў пакінуць перад уваходам у залю сьцягі і расьцяжкі, каб не перашкаджаць адзін аднаму.

XS
SM
MD
LG