Лінкі ўнівэрсальнага доступу

Апублікаваны тэкст кааліцыйнай дамовы ва Ўкраіне


У пятніцу кааліцыйная дамова была парафаваная пяцьцю партыямі — «Блёкам Пятра Парашэнкі», «Народным фронтам», аб’яднаньнем «Самадапамога», «Радыкальнай партыяй Алега Ляшко» і партыяй «Бацькаўшчына».

У апублікаваным праекце пагадненьня аб стварэньні кааліцыі парлямэнцкага большасьці 73 старонкі.

Прэм’ер-міністар Укріаны Арсеній Яцанюк канстатаваў, што ў кааліцыю увойдзе канстытуцыйная большасьць Вярхоўнай Рады, 300 дэпутатаў. У аб’яднаньні ня будуць удзельнічаць дэпутаты ад «Апазыцыйнага блёка» і тыя, хто галасаваў за так званыя «дыктатарскія законы», прынятыя Вярхоўнай Радай 16 студзеня.

Кааліцыйны пагадненьне прадугледжвае рэформы амаль усіх сфэр дзяржаўнага кіраваньня і эканомікі, у тым ліку сыстэмы нацыянальнай бясьпекі, судова-прававой сыстэмы, выбарчага заканадаўства.

Як паведаміў дэпутат ад «Блёка Пятра Парашэнкі» Ўладзімір Гройсман, афіцыйна дакумэнт будзе падпісаны на першым пасяджэньні новай Вярхоўнай Рады.

XS
SM
MD
LG