Паводле яго слоў, калі так пойдзе і далей, то Расеі пагражае яшчэ большая ізаляцыя.
Байдэн пералічыў, якія менавіта абавязацельствы так і не выкананыя: спыненьне агню абедзьвюма бакамі канфлікту, аднаўленьне кантролю Ўкраіны над мяжой і яе агульны маніторынг, вывад з Украіны незаконных узброеных фармаваньняў, вайсковага рыштунку і наймітаў, вызваленьне ўсіх закладнікаў.
"Калі б Расея выканала свае абавязацельствы і паставілася з павагай да ўкраінскага сувэрэнітэту і тэрытарыяльнай цэласнасьці, мы маглі б пачаць рацыянальную дыскусію пра санкцыі. Але гэта не тое, што адбываецца ў рэчаіснасьці. Замест гэтага мы ўбачылі больш правакацыйныя дзеяньні, больш відавочнае грэбаваньне Менскімі дамоўленасьцямі, якія былі не так даўно падпісаныя Расеяй",— заявіў Байдэн.
Джо Байдэн назваў «фарсам», наладжаным Крамлём, незаконныя «выбары» 2 лістапада на тэрыторыях кантраляваных прарасейскімі баевікамі.
Віцэ-прэзыдэнт ЗША падкрэсьліў, што яго краіна не прызнае і ніколі не прызнае расейскую акупацыю і анэксію Крыму.
Гэта ўжо трэці візыт віцэ-прэзыдэнта ЗША ва Ўкраіну за апошнія сем месяцаў.
5 верасьня Менску ўдзельнікі трохбаковай групы па ўрэгуляваньні сытуацыі на Данбасе падпісалі пратакол, першы пункт якога прадугледжваў спыненьне агню.
19 верасьня быў падпісаны мэмарандум аб рэалізацыі гэтага пункту пратаколу ад 5 верасьня.
Аднак гэтыя дамоўленасьці сыстэматычна парушаюцца.
Пры падпісаньні менскіх дамоўленасьцей прысутнічалі прадстаўнікі Расеі. Нядаўна прэзыдэнт Расейскай Фэдэрацыі Ўладзімер Пуцін заявіў, што менскія дамоўленасьці паўсталі дзякуючы Маскве, якая пераканала прарасейскіх сэпаратыстаў ўдзельнічаць у перамовах у Менску.
Краіны Захаду і Ўкраіна абвінавачваюць Расею ў ваеннай падтрымцы прарасейскіх сэпаратыстаў.
