Лінкі ўнівэрсальнага доступу

У Наваполацку затрымалі Андрэя Гайдукова

абноўлена

Андрэй Гайдукоў, архіўнае фота
Андрэй Гайдукоў, архіўнае фота

21 лістапада сябар аргкамітэту па стварэньні партыі «Беларуская хрысьціянская дэмакратыя» Андрэй Гайдукоў раздаваў улёткі пра палітвязьняў.

За ім амаль увесь час сачылі людзі ў цывільным, здымалі на відэа.

Калі актывіст вяртаўся дадому, яго затрымалі.

Пра гэта карэспандэнту Свабоды паведаміла актывістка БХД Тацяна Севярынец.

Увечары Андрэя Гайдукова выпусьцілі з пастарунку да суду.

Андрэй Гайдукоў працаваў сьлесарам на нафтаперапрацоўчым заводзе «Нафтан» у Наваполацку. 8 лістапада 2012 году супрацоўнікі КДБ затрымалі яго і зьмясьцілі ў сьледчы ізалятар КДБ 13 лістапада 2012 году КДБ распаўсюдзіў інфармацыю пра спыненьне супрацьпраўнай дзейнасьці грамадзяніна Беларусі, які займаўся зборам і перадачай інфармацыі палітычнага і эканамічнага характару на заданьне замежнай выведкі. На затрыманага завялі крымінальную справу паводле ч. 1 арт. 356 Крымінальнага кодэксу (здрада дзяржаве ў форме правядзеньня агентурнай дзейнасьці). 1 ліпеня 2013 году Віцебскі абласны суд прысудзіў Гайдукову паводле крымінальнага артыкула «Спроба ўсталяваньня супрацоўніцтва са спэцслужбамі, органамі бясьпекі або выведнымі органамі замежнай дзяржавы» паўтара года пазбаўленьня волі з адбываньнем пакараньня ў калёніі агульнага рэжыму.

Суд прызнаў яго «вінаватым у спробах устанаўленьня кантактаў з супрацоўнікамі замежнай спэцслужбы без прыкмет дзяржаўнай здрады».

Справа разглядалася ў закрытым рэжыме, падчас суду абвінавачаньне Гайдукову было перакваліфікавана.

Андрэй Гайдукоў выйшаў на волю 8 траўня 2014 году.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG