Лінкі ўнівэрсальнага доступу

Любоў і манія

  • Аляксандар Лукашук

М.Г.Сакалоў, «У.І. Ленін у падпольлі» (1947).

М.Г.Сакалоў, «У.І. Ленін у падпольлі» (1947).

Нядаўна адзін аўтар абазваў другога графаманам. Той, на зьдзіўленьне, не пакрыўдзіўся, а пагадзіўся. Так, кажа, сапраўды. Кожны пісьменьнік — графаман. Праўда, ня кожны графаман — пісьменьнік.

— А як адрозьніць? Усё цячэ, стылі не стаяць на месцы, у кожнага свой густ...

— Вельмі проста. Сапраўдны пісьменьнік не бывае злым. Сапраўдны графаман ня можа ня быць злым.

У гэтай формуле замест пісьменьніка можа паставіць любы занятак — палітык, журналіст, настаўнік, доктар, судзьдзя, спартовы чэмпіён, шэф-кухар, паляўнічы...

Усё вельмі проста. Зло няздольнае ствараць. Хамства можа прыкінуцца прынцыповасьцю, лухта праўдай. Але насамрэч яны — тэксты графамана, шэрыя і сумныя, як ён сам на сам з сабою.

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас maksymiukj@rferl.org. Аўтарства чытацкіх допісаў пазначым, ганарараў плаціць ня будзем.

XS
SM
MD
LG