Лінкі ўнівэрсальнага доступу

Скандал на «Эхо Москвы» завяршыўся кампрамісам


Галоўны рэдактар радыёстанцыі Аляксей Венедыктаў.

Галоўны рэдактар радыёстанцыі Аляксей Венедыктаў.

Загад аб звальненьні вядучага «Эхо Москвы» Аляксандра Плюшчава будзе адменены, наўзамен галоўны рэдактар радыёстанцыі Аляксей Венедыктаў адхіліць яго ад эфіру да сярэдзіны студзеня наступнага года.

Такія рашэньні былі ўзгоднены па выніках сустрэчы старшыні Рады дырэктараў «Газпром-Мэдыя» Міхаіла Лесіна і галоўнага рэдактара «Эхо Москвы» Аляксея Венедыктава.

Пра гэта паведамілі «Інтэрфаксу» ў прэс-службе «Газпром-Мэдыя». Там ўдакладнілі, што ў статут рэдакцыі радыёстанцыі будуць унесены дапаўненьні ў дачыненьні да правілаў паводзін штатных супрацоўнікаў рэдакцыі ў сацыяльных сетках.

«У працоўную групу па распрацоўцы дакумэнту ўвойдуць прадстаўнікі рэдакцыі, а таксама холдынгу» Газпром-Мэдыя", паколькі пасьля падобная практыка будзе ўкаранёна ва ўсіх СМІ холдынгу", — растлумачылі ў прэс-службе.

Аляксандр Плюшчаў быў звольнены больш тыдзень таму гендырэктарам радыёстанцыі Кацярынай Паўлавай. Кіраўніцтва «Газпром-мэдыя» палічыла амаральным паведамленьне вядучага ў Twitter пра сына кіраўніка адміністрацыі прэзыдэнта Расеі Сяргея Іванова: «Ці лічыце вы гібель сына Іванова, які некалі які зьбіў бабулю і засудзілі яе зяця, доказам існаваньня Бога / вышэйшай справядлівасьці?»

Твіт быў апублікаваны 5 лістапада і хутка выдалены. Плюшчаў за яго папрасіў прабачэньня. Тым не менш кіраўніцтва «Газпром-мэдыя» палічыла, што вядучы злоўжыў правамі журналіста, і прыняло рашэньне звольніць яго.

З гэтым катэгарычна не пагадзіўся Венедыктаў, які нагадаў, што паводле статуту кампаніі прадстаўляць супрацоўнікаў да звальненьня можа толькі ён.

6 лістапада ў інтэрвію РБК Лесін ня выключыў магчымай адстаўкі Венедыктава.

XS
SM
MD
LG