Лінкі ўнівэрсальнага доступу

Ужо сёньня 19 лістапада: Міжнародны дзень мужчын, акцыя ў падтрымку галадоўнікаў з Бабруйскага заводу


Сябры Свабоднага прафсаюза Беларускага Алег Шаўчэнка, Аляксандар Варанкін, Аляксандар Грамыка, якія галадалі на знак пратэсту супраць званьненьня.

Сябры Свабоднага прафсаюза Беларускага Алег Шаўчэнка, Аляксандар Варанкін, Аляксандар Грамыка, якія галадалі на знак пратэсту супраць званьненьня.

Падзеі дня ў Беларусі, сьвеце, гісторыі.

ПАДЗЕІ ДНЯ

Міжнародны дзень мужчын.

Менск, офіс Беларускага Кангрэсу дэмакратычных прафсаюзаў (БКДП) (вул. Якубава, 80, 15-ты паверх). У 11 гадзін адбудзецца прэсавая канфэрэнцыя, прысьвечаная галадоўцы рабочых Бабруйскага заводу трактарных дэталяў і агрэгатаў. Рабочыя гэтага прадпрыемства Аляксандар Варанкін, Мікалай Жыбуль, Алег Шаўчэнка і Аляксандар Грамыка, звольненыя з прадпрыемства за прыналежнасьць да Свабоднага прафсаюзу, якія трымалі галадоўку пратэсту з 5 па 14 лістапада 2014 года, лідэр БКДП Аляксандр Ярашук, старшыня Свабоднага прафсаюзу беларускага Міхаіл Кавалькоў, а таксама сустаршыня «Беларускай хрысьціянскай дэмакратыі» Павал Севярынец маюць намер падрыхтаваць пэтыцыю з патрабаваньнем аднаўленьня галадоўнікаў на працы і рэалізацыі іх права на сяброўства ў прафсаюзе. 19 лістапада пэтыцыя будзе пададзеная ў Міністэрства працы і сацыяльнай абароны, а таксама ў Міністэрства прамысловасьці Беларусі.

Масква, перамовы кіраўнікоў МЗС Расеі і Вугоршчыны Сяргея Лаўрова і Пятры Сіярта.

Вашынгтон, урачыстая цырымонія адкрыцьця ў Капітоліі — будынку Кангрэсу ЗША — бюсту прэзыдэнта Чэхіі Вацлава Гаўла.

ДЗЕНЬ У ГІСТОРЫІ

1190 — быў заснаваны Тэўтонскі ордэн.

1493 — экспэдыцыя Хрыстафора Калюмба адкрыла выспу Пуэрта-Рыка.

1942 — Савецкія войскі пачалі контрнаступ пад Сталінградам.

1982 — каманда «Дынама» (Менск) стала чэмпіёнам СССР па футболе.

1992 — Беларусь устанавіла дыпляматычныя адносіны з Малдовай.

У гэты дзень нарадзіліся:

1784 — Міхал Баброўскі, славіст і ўсходазнавец, філёзаф, сьвятар, які спрыяў узьнікненьню беларусазнаўства, першы беларускі скарыназнаўца, прафэсар Віленскага ўнівэрсытэту.

1881 — Уладзімір Марзон, беларускі хірург.

1908 — Мікола Засім, беларускі паэт.

1938 — Тэд Тэрнэр, амэрыканскі бізнэсовец, заснавальнік канала CNN.

Трэба ставіць перад сабой усё новыя мэты — нягледзячы ні на якія свае дасягненьні. Тады ў вас ня ўзьнікне пытаньня аб тым, дзеля чаго варта жыць.

Тэд Тэрнэр.

У гэты дзень памёрлі:

1557 — Бона Сфорца, польская каралева і вялікая княгіня літоўская, другая жонка Жыгімонта І Старога. Бона Сфорца шмат зрабіла для разьвіцьця беларускіх земляў і дзеля збліжэньня Беларусі з Заходняй Эўропай. З ініцыятывы каралевы Боны была праведзеная вялікая аграрная рэформа.

1889 — Ігнат Казлоўскі, мовазнаўца-славіст.

2007 — Язэп Сажыч, беларускі грамадзка-палітычны дзеяч, у 1982—1997 гадах — старшыня Рады БНР.

Калі б не БНР, не было б БССР. Калі б не было БССР, не было б незалежнай Беларусі.

Язэп Сажыч.

2008 — Алег Лойка, беларускі паэт, пісьменьнік і літаратуразнаўца. 2012 — Барыс Стругацкі, расейскі пісьменьнік-фантаст.

КАЛЯНДАР БАХАРЭВІЧА

Чэмпіёны імпэрыі 19 лістапада 1982 менскае «Дынама» становіцца чэмпіёнам СССР

XS
SM
MD
LG