Валер Каліноўскі і Алена Ціхановіч запрашаюць прайсьціся разам па найважнейшых месцах Аксамітнай рэвалюцыі, якая аднавіла дэмакратыю ў Чэхаславаччыне.
17 лістапада з 16 да 17 гадзін глядзіце ў жывым відэаэфіры на нашым сайце і на нашым канале ў Youtube.
У Чэхіі і Славаччыне 17 лістапада адзначаюць 25-ю гадавіну пачатку «аксамітнай рэвалюцыі», якая паклала канец кіраваньню камуністаў у тагачаснай Чэхаславаччыне.
У цэнтры Прагі, Браціславы і іншых гарадоў дзьвюх краін у панядзелак пройдуць памятныя мерапрыемствы. Палітыкі, грамадзкія дзеячы, грамадзяне ўскладуць кветкі і паставяць сьвечкі ў месцах, дзе разгортваліся асноўныя падзеі рэвалюцыі лістапада 1989.
У рамках цяперашніх сьвяткаваньняў чэскі прэм’ер-міністар Багуслаў Собатка мае намер удзельнічаць у адкрыцьці ў Вашынгтоне, у будынку Кангрэсу, бюста Вацлава Гаўла — аднаго зь лідэраў «аксамітнай рэвалюцыі», былога прэзыдэнта Чэхаславаччыны і Чэхіі, які памёр у сьнежні 2011 году.