Лінкі ўнівэрсальнага доступу

Падпалкоўнік, які захапіў уладу ў Буркіна-Фасо, адмаўляецца перадаваць уладу


Падпалкоўнік Ісаак Зіда

Падпалкоўнік Ісаак Зіда

Падпалкоўнік Ісаак Зіда, які захапіў уладу ў Буркіна-Фаса, у чацьвер праігнараваў патрабаваньне Афрыканскага саюзу вярнуць уладу грамадзянскаму ўраду на працягу двух тыдняў. На яго думку больш важна забясьпечыць плаўны пераход краіны да выбараў у наступным годзе.

Падпалкоўнік Зіда заявіў, што краіна не баіцца санкцыяў і што стабільнасьць і мір важнейшыя за ўсё, асабліва, з-за таго, што краіна апынулася пагружанай ў хаос пасьля зьвяржэньня шматгадовага прэзыдэнта Блэза Кампаорэ ў выніку народнага паўстаньня.

Зіда выказаўся на наступны дзень пасьля таго, як армія, палітычныя партыі і лідэры грамадзянскай супольнасьці пагадзіліся, што выбары будуць праведзеныя ў лістападзе 2015 такім чынам, каб «выбітны грамадзянскі кіраўнік» узначаліў палітычны пераход.

У чацьвер бакі вялі перамовы за зачыненымі дзьвярыма, каб паспрабаваць знайсьці гэтага лідэра для адзінства, хоць армія ня ўдзельнічала ў гэтых перамовах. Рашэньне ваенных ўзяць стырно кіраваньня пасьля сыходу Кампаорэ выклікала гнеўныя пратэсты ў краіне і пагрозы санкцыяў з-за мяжы.

Афрыканскі саюз у панядзелак даў краіне два тыдні, каб вярнуцца да грамадзянскага кіраваньня.

XS
SM
MD
LG