Лінкі ўнівэрсальнага доступу

У сталіцы Бэльгіі паліцыя ўжыла сьлёзацечны газ і вадамёты падчас сутыкненьняў з дэманстрантамі.

Прынамсі 100 тысяч чалавек прайшлі 6 лістапада маршам на знак пратэсту супраць рынкавых рэформаў ўраду Бэльгіі і захадаў жорсткай эканоміі, якія, як сьцьвярджаюць арганізатары дэманстрацыі, падарвуць дабрабыт насельніцтва.

Дэманстранты танцавалі на вяршыні перакуленых аўтамабіляў і кідалі кавалкі бруку і фэервэркі падчас акцыі пратэсту. Рух транспарту быў абмежаваны з-за дэманстрацыі пратэсту, часткова паралізаваўшы Брусэль на ўвесь дзень, паколькі ў горадзе сабраліся міністры фінансаў краін эўразоны.

Масавае шэсьце адкрыла месячную кампанію, распачатую бэльгійскімі прафсаюзамі супраць кіроўнай урадавай кааліцыі.

Паказаць камэнтары

XS
SM
MD
LG