Адпаведны пункт у стратэгіі, паводле польскіх СМІ, сфармуляваны наступным чынам:
«Адносіны Расеі з Захадам застануцца важным чыньнікам, які будзе ўзьдзейнічаць на бясьпеку Польшчы, рэгіёну і Эўропы. Адбудоўваньне вялікадзяржаўнасьці Расеі коштам яе атачэньня і ўзмацненьне яе канфрантацыйнай палітыкі, прыкладам чаго зьяўляецца канфлікт ва Ўкраіне, у тым ліку анэксія Крыму, адмоўна ўплывае на стан бясьпекі ў рэгіёне».
Браніслаў Камароўскі падкрэсьліў, што пасьля зацьвярджэньня Стратэгіі нацыянальнай бясьпекі будуць прымацца наступныя дакумэнты і рашэньні, у тым ліку тайнага характару, якія маюць на мэце палепшыць ўзброеныя сілы і абароназдольнасьць краіны.
«Праца ўжо трывае, таму што мы супольна робім высновы з таго, што зьмянілася да горшага на ўсход ад Польшчы, дзе зьявіўся абшар ня толькі нестабільнасьці, але і абшар, дзе выразна відаць, што дрэнныя зьмены маюць не часовы характар, а трывалы» — сказаў прэзыдэнт Польшчы.
Новая ваенная дактрына Польшчы, якая зьмяняе папярэдні дакумэнт з 2007 году, прыярытэтнае значэньне ў абароназдольнасьці краіны надае стратэгічнаму партнэрству са Злучанымі Штатамі Амэрыкі.