Лінкі ўнівэрсальнага доступу

Расейскія і ўкраінскія генэралы абмяркуюць спыненьне агню ў Данецкім аэрапорце


Украінскі салдат у Данецкім аэрапорце.

Украінскі салдат у Данецкім аэрапорце.

Спэцыяльная маніторынгавая місія АБСЭ ва Ўкраіне паведамляе, што на 5 лістапада заплянаваная сустрэча высокага ўзроўню прадстаўнікоў Украіны і Расеі па спыненьні гвалту ў Данецкам аэрапорце.

Пра гэта гаворыцца ў справаздачы місыі АБСЭ, апублікаваным на сайце арганізацыі.

«Прадстаўнікі Генштабаў Украіны і Расеі паведамілі місыі, што іх генэралы адсутнічалі (на папярэдняй сустрэчы 2 лістапада, — рэд.) у сувязі з заплянаванай на 5 лістапада сустрэчы высокага ўзроўню ў Данецку, падчас якой плянуецца абмеркаваць спыненьне гвалту вакол Данецкага аэрапорту», — адзначаецца ў справаздачы.

Данецкі аэрапорт кантралююць ўкраінскія сілавікі. У Радзе нацыянальнай бясьпекі і абароны Ўкраіны паведамляюць, што баевікі рэгулярна абстрэльваюць сілы Атытэрарыстычнай апэрацыі ў раёне аэрапорту.

Затое прарасейскія сепаратысты, якія кантралююць большую частку Данецка, абвінавачваюць у пэрыядычных абстрэлах горада ўкраінскіх вайскоўцаў, якія кантралююць Данецкі аэрапорт, прылеглы да абласнога цэнтра пасёлак Пяскі і суседні горад Аўдзееўка.

Аднак у штабе АТА адзначаюць, што ўкраінскія вайскоўцы прытрымліваюцца рэжыму спыненьня агню, адкрываюць агонь толькі па разьведаным агнявым кропкам баевікоў, не абстрэльваюць пазыцый, калі гэта можа нанесьці шкоду мірным жыхарам.

XS
SM
MD
LG