Лінкі ўнівэрсальнага доступу

Ужо сёньня, 3 лістапада: Каласавіны, першая кніжка Рудака, гадавіна сыгналу SOS


Якуб Колас

Якуб Колас

Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

Каласавіны — у менскім музэі Якуба Коласа. Заплянаваныя навуковая канфэрэнцыя, адкрыцьцё інтэрактыўнай пляцоўкі з героямі твораў паэта, канцэрт з удзелам кіраўніка ансамбля «Менскі гармонік» Івана Раманчука. (пачатак у 14:30).

Прэзэнтацыя кнігі Антона Рудака «Верхні горад» у кнігарні «логвінаЎ» (пр. Незалежнсьці, 37а), пачатак а 19:30.

Вер — мы сустрэнемся ў горадзе
дзе ліхтары адбіваюцца ў хмарах
мы сядзем на воблаку і пагаворым
бязьлюдныя вуліцы ўкрые туманам
мы будзем прыпальваць проста ад зорак
а нашыя словы падхопіць вецер
і панясе іх urbi et orbi
распавядзе ўнукам і дзецям.

Антон Рудак, зь верша Верхні горад.

У Горадні адкрыцьцё выставы фатаграфій Міхала Анішчанкі "Мы -гарадзенцы«( галерэя «Крыга», пачатак а 18-й.)

ДЗЕНЬ У ГІСТОРЫІ

1903 — Панама абвясьціла незалежнасьць ад Калюмбіі.

1918 — Польшча абвясьціла незалежнасьць ад Расеі.

1928 — Турцыя перайшла з арабскага на лацінскі альфабэт.

1970 — Марксіст Сальвадор Альендэ стаў прэзыдэнтам Чылі.

1992 — Біл Клінтан быў абраны прэзыдэнтам ЗША.

2009 — Прэзыдэнт Чэхіі Вацлаў Клаўс падпісаў Лісабонскую дамову аб рэформе Эўразьвязу, пасьля чаго дакумэнт уступіў у сілу.

У гэты дзень нарадзіліся:

1801 — Вінчэнца Бэліні, італьянскі кампазытар

1845 — Зыгмунт Ґлёґэр, археоляг, этнограф і гісторык

1880 — Канстанцін Пушкарэвіч, філёляг, дасьледнік беларускай літаратуры, гісторык і перакладнік

1882 — Якуб Колас, клясык беларускай літаратуры

1890 — Глеб Бонч-Асмалоўскі, беларускі антраполяг і архэоляг

1893 — Францішак Чарняўскі, беларускі рэлігійны дзяяч

1914 — Юліюш Бардах, польскі гісторык дзяржавы і права

У гэты дзень памерлі:

1937 — Максім Бурсевіч, дзяяч «Грамады»

1937 — Павал Валошын, дзяяч «Грамады» і КПЗБ, дэпутат Сойму міжваеннай Польскай Рэспублікі

1941 — Зьмітрок Бядуля, беларускі паэт, пісьменьнік і публіцыст

1954 — Анры Матыс, францускі мастак і скульптар

1983 — Антон Мартас, архіяпіскап, гісторык Праваслаўнай царквы

КАЛЯНДАР БАХАРЭВІЧА

3 лістапада 1906 сыгнал SOS прызнаецца міжнародным сыгналам просьбы аб дапамозе

XS
SM
MD
LG