Лінкі ўнівэрсальнага доступу

Тарнаўскі і Пефціеў выдаленыя з чорнага сьпісу Эўразьвязу

  • БелаПАН

Бізнэсоўцы Ўладзімер Тарнаўскі і Ўладзімер Пефціеў, а таксама частка іх прадпрыемстваў выключаныя з санкцыйнага сьпісу Эўразьвязу.Усяго зь чорнага сьпісу выдаленыя 24 асобы і 7 кампаній.

Абноўлены чорны сьпіс апублікаваны 31 кастрычніка на сайце Афіцыйнага часопіса Эўразьвяза. Усяго зь беларускага чорнага сьпіску выдаленыя 24 асобы:

— Сьвятлана Акуліч (былая судзьдзя Пухавіцкага раённага суда);

— Дзьмітрый Аляксандраў (былы судзьдзя Вышэйшага гаспадарчага суда);

— Мечыслаў Часноўскі (былы рэктар Берасьцейскага дзяржаўнага ўнівэрсытэту);

— Сяргей Гардзіенка (намесьнік рэдактар газэты «Советская Белоруссия»);

— Аляксей Гусеў (былы першы намесьнік дырэктара Інфармацыйна-аналітычнага цэнтра пры адміністрацыі прэзыдэнта Беларусі);

— Аляксандр Каляда (былы сябра ЦВК);

— Сяргей Касьцян (былы дэпутат Палаты прадстаўнікоў Нацыянальнага сходу);

— Аляксандр Хадановіч (былы судзьдзя суду Цэнтральнага раёна Менска);

— Надзея Кісялёва (былы сябра ЦВК);

— Ігар Крот (былы судзьдзя Менскага гарадзкога суду);

— Вячаслаў Крукоўскі (былы кіраўнік Віцебскай абласной выбарчай камісіі);

— Пятро Кухарчык (былы рэктар Менскага пэдагагічнага ўнівэрсытэта, памёр);

— Аляксей Міхальчанка (журналіст «Другога нацыянальнага канала»);

— Міхаіл Орда (былы кіраўнік прадстаўніцтва Пастаяннага камітэта Саюзнай дзяржавы ў Менску, новаабраны старшыня Фэдэрацыі прафсаюзаў Беларусі);

— Эдуард Падаляк (намесьнік старшыні асацыяцыі па інфармацыйных пытаньнях і сацыяльнаму партнэрству);

— Уладзімер Пефціеў (беларускі бізнэсмэн, якога ЭЗ лічыў адным з фундатараў беларускага рэжыму);

— Аксана Рэлява (былая судзьдзя суду Савецкага раёна Менска);

— Іна Шайко (былая судзьдзя суду Цэнтральнага раёна Менска);

— Мікалай Стош (былы кіраўнік Гомельскай абласной выбарчай камісіі);

— Аляксандр Таранда (намесьнік рэдактара газэты «Советская Белоруссия»);

— Галіна Тарапецкая (намесьнік рэдактара газэты «Советская Белоруссия»);

— Анатоль Тарнаўскі (бізнэсмэн, якога ЭЗ лічыў спонсарам беларускага рэжыму);

— Алена Ціцянкова (былы судзьдзя суда Партызанскага раёна Менска);

— Дзьмітрый Юферыцын (былы судзьдзя суда Ленінскага раёна Менска).

Таксама санкцыйныга сьпіску выключаны 7 юрыдычных асоб:

— Прыватнае ўнітарнае прадпрыемства «БТ Тэлекамунікацыі», падкантрольнае бізнэсмэну Ўладзімеру Пефціеву;

— Шэраг філіяў ТАА «Трайпл» (СТАА «НафтаХімТрэйдынг», СТАА «Трайплфарм» і ТАА «Трайпл-Вялес»), якія кантралюе бізнэсовец Юрый Чыж;

— Кантраляваная Анатолем Тарнаўскім група кампаній «Юнівест-М», а таксама яе філіі ЗТАА «Юніс Ойл» і СТАА «Юнівестбудінвест».

Пры гэтым 18 прадпрыемстваў і арганізацый — пераважна тыя, што знаходзяцца пад кантролем Чыжа і Пефціева — застаюцца ў санкцыйным сьпісе Эўразьвязу.

XS
SM
MD
LG