Лінкі ўнівэрсальнага доступу

Жбанкоў: Беларусы ня мусяць здымаць «Зорныя войны» і пісаць «Вайну і мір»


Максім Жбанкоў

Максім Жбанкоў

Падчас кінафэстывалю «Бульбамуві» дакумэнталіст Віктар Асьлюк выказаў заклапочанасьць станам беларускага кіно:

«Зь беларускім кіно нешта трэба рабіць. У цэлым працэсе кіно не існуе: ёсьць добрыя заяўкі, тэмы, але няма школы...», — кажа ён. — Я ня веру ў вундэркіндаў, я веру ў прафэсію».

Раней на сустрэчы зь пісьменьнікамі Аляксандар Лукашэнка абураўся, што беларусы так і не напісалі сваю «Вайну і мір».

Радыё Свабода запыталася ў Максіма Жбанкова, чаму беларусы за 24 гады незалежнасьці так і не зьнялі фільмы ўзроўню «Зорных войнаў» ці «Хроснага бацькі»:

«Гэта сапраўды пытаньне бессэнсоўнае, бо беларусы ня мусяць вырабляць «Зорныя вайны» і пісаць «Вайну і мір». Беларусы мусяць пісаць беларускія творы для беларусаў і пра беларусаў, нам няварта шукаць нейкіх зьнешніх узораў, бо маем сваю культуру, маем сваю традыцыю, маем свой падыход і маем сваю гісторыю.

Паводле Жбанкова, беларусы занадта саромеюцца сваёй культурніцкай традыцыі, а яе трэба пашыраць і разьвіваць:

«Насамрэч свае эпічныя моцныя творы мы ўжо маем. Мы маем цудоўную літаратуру, шыкоўную архітэктуру, маем цікавую нефарматную рок-музыку, моцнае мастацтва. У нас ёсьць традыцыі, традыцыі ствараюцца на вачах, трэба іх бачыць, зразумець і, магчыма, пераказаць на мове новага часу».

Паказаць камэнтары

XS
SM
MD
LG