Лінкі ўнівэрсальнага доступу

Ужо сёньня, 30 кастрычніка: «Хуткія спатканьні (сьпід-дэйтынг) па-беларуску»


Гэты дзень у Беларусі, сьвеце, гісторыі.

Падзеі дня

30 кастрычніка ў Менску пройдзе першая сустрэча «Хуткія спатканьні (сьпід-дэйтынг) па-беларуску». 10 хлопцаў і 10 дзяўчат, якія адно аднаго ня ведаюць, сыйдуцца, каб пазнаёміцца ды паразмаўляць па-беларуску. Заяўку трэба дасылаць на artsiadziba@gmail.com, у адказ будуць паведамленыя кавярня і час, дзе пройдзе сустрэча.

Менск — у Галерэі «Ў» (пр-т Незалежнасці, 37-а) лекцыя «Роля рэклямы ў стварэньні вобразаў жанчыны і мужчыны: люстэрка, альбо канвэер?» беларускага экспэрта Ірыны Альхоўкі. Пачатак а 18-ай.

Менск — у кнігарні «логвінаЎ» пры сьвятле сьвечак пройдзе чытаньне кнігі Ядзьвігі Адамчык «СТО грам ГіСТОрый», а таксама будзе прадстаўленая бэта-вэрсія кнігі Адама Глёбуса «Казкі для дарослых» для плятформы Андроід. Пачатак а 19.00.

Менск — у прасторы «ДК» (вул. Талбухіна 4, трэці паверх) пройдзе сумесны канцэрт музыканта, гітарыста гурту «Кактэйль Шаляпіна» Андрэя Сянкевіча і групы «Бачу ўпершыню». Пачатак а 19-ай.

Гэты дзень у гісторыі

1579 — Адкрыты Віленскі ўнівэрсытэт.

1919 — У газэце «Беларусь» апублікаваны верш Макара Краўцова «Мы выйдзем шчыльнымі радамі», які стаў гімнам БНР пад назвай «Ваяцкі гімн».

Няхай жыве магутны, сьмелы

Наш беларускі вольны дух.

Штандар наш бел-чырвона-белы,

Пакрый сабой народны рух.

Макар Краўцоў

1921 — Афіцыйна адкрыўся Беларускі дзяржаўны ўнівэрсытэт.

Дзяды, 1988. Выступае Зянон Пазьняк

Дзяды, 1988. Выступае Зянон Пазьняк

1988 — У Менску разагнаныя «Дзяды». У полі пад Курапатамі былі зачытаныя ўстаноўчыя дакумэнты «Мартыралёгу Беларусі» і Аргкамітэту БНФ.

У гэты дзень нарадзіліся

1728 — Марцін Пачобут-Адляніцкі, беларускі астраном

1871 — Поль Валяры, францускі пісьменьнік.

1885 — Эзра Паўнд, амэрыканскі паэт.

1936 — Генадзь Цыхун, беларускі мовазнавец.

У гэты дзень памерлі

1937 — Тодар Кляшторны, беларускі паэт. Расстраляны НКВД

1937 — Янка Нёманскі, беларускі пісьменьнік. Расстраляны НКВД

1937 — Юлі Таўбін, беларускі паэт. Расстраляны НКВД

1937 — Аляксандар Крыніцкі, савецкі партыйны і дзяржаўны дзеяч, першы сакратар Камуністычнай партыі Беларусі. Расстраляны НКВД

2010 — Гары Муліш, нідэрляндзкі пісьменьнік.

Каляндар Бахарэвіча

Хто сьмяецца з апошніх

Паказаць камэнтары

XS
SM
MD
LG