Лінкі ўнівэрсальнага доступу

Ужо сёньня, 27 кастрычніка: дзень памяці Вітаўта, 10-годзьдзе альманаха «Тэксты», адкрыцьцё Тыдня японскага кіно.


Падзеі дня ў Беларусі, сьвеце, гісторыі.

У Менску ў канфэрэнц-залі Палаца мастацтваў (вул Казлова, 3) арт-супольнасьць ім. Тадэвуша Рэйтана і выдавецтва «Галіяфы» адзначаюць 10-годзьдзе літаратурна-мастацкага альманаха «Тэксты». Пачатак а 19-й гадзіне.

У Менску ў кінатэатры «Перамога» пачынаецца Тыдзень сучаснага японскага кіно. Дэманструецца кінадрама «Дарагі мой». У фае кінатэатру адкрыецца выстава японскага жывапісу суміэ, этэгамі і каліграфіі. Арганізатары — Пасольства Японіі ў Менску і Цэнтар Japan Foundation.

У Менску ў клюбе «Графіці» адбудзецца клюбны канцэрт легендарнага беларускага рок-гурту Neuro Dubel. Пачатак а 19-й гадзіне.

ГЭТЫ ДЗЕНЬ У ГІСТОРЫІ

1873 — амэрыканец Джозэф Глідэн запатэнтаваў калючы дрот.

1939 — літоўскія войскі ўвайшлі ў Вільню, якую СССР перадаў Літве.

1962 — гэта дзень, калі сьвет быў бліжэй за ўсё да глябальнай ядзернай вайны. У часе карыбскага крызісу выведны самалёт ЗША быў зьбіты над Кубай савецкай зэнітнай ракетай; пілёт, маёр Рудалф Андэрсан загінуў.

1989 — на вайсковай базе пад Станькавам на Койданаўшчыне, згодна з савецка-амэрыканскай дамовай пра ліквідацыю ракетаў сярэдняй і меншай дальнасьці, была зьнішчаная апошняя ракета СС-23. З гэтага моманту Беларусь стала бязьядзернай тэрыторыяй.

1991 — Вярхоўны Савет Туркменістану абвясьціў незалежнасьць краіны.

У гэты дзень нарадзіліся:

1469 — Эразм Ратэрдамскі, нідэрляндзкі гуманіст.

«Толькі нешматлікія, чый подлы дабрабыт залежыць ад народнага гора, робяць войны».

Эразм Ратэрдамскі.

1728 — Джэймс Кук, брытанскі першаадкрывальнік.

1782 — Нікола Паганіні, італьянскі скрыпач-віртуоз і кампазытар.

1890 — Віктар Шутовіч, беларускі каталіцкі сьвятар, публіцыст.

1911 — Мікола Лобан, беларускі пісьменьнік і мовазнавец.

1952 — Фрэнсіс Фукуяма, амэрыканскі філёзаф і палітоляг.

«Беларусь ня мела моманту для сапраўднага прарыву да дэмакратыі, як Украіна і Расея... Вы пераскочылі адразу ад савецкай дыктатуры да дыктатуры іншага кшталту».

Фрэнсіс Фукуяма.

У гэты дзень памерлі:

1430 — Вітаўт, Вялікі князь Літоўскі, пры якім Вялікае Княства Літоўскае стала самай вялікай дзяржавай у Эўропе — ад Балтыкі да Чорнага мора.

1505 — Іван III, вялікі князь маскоўскі.

1605 — Акбар Вялікі, трэці падышаг дынастыі Вялікіх Маголаў.

1837 — Міхал Гузікаў, беларускі музыка, аўтар уласнай мадэлі ксыляфону.

1887 — Браніслаў Мінейка, удзельнік паўстаньня 1863–1864 гадоў.

1907 — Зыгмунт Чаховіч, удзельнік паўстаньня 1863–1864 гадоў.

1937 — Каміла Крушальніцкая, кіраўніца нелегальнага каталіцкага гуртка ў Маскве ў першай палове 1930-х гадоў.

З Календара Бахарэвіча:

27 кастрычніка 1962 году над Кубаю разгуляўся шторм. З стратасфэры ён выглядаў, як вялізнае вока, якое вырачылася ў космас і, здавалася, злавесна падміргвала бязьмежнай пустаце і холаду: маўляў, усе там будзем. І вельмі хутка.

XS
SM
MD
LG