Лінкі ўнівэрсальнага доступу

Канфлікт ва Ўкраіне справакуе рост цэнаў ва ўсёй Усходняй Эўропе — МВФ


France -- International Monetary Fund Managing Director Christine Lagarde attends a conference about the future of the Euro zone organized by the Robert Schuman foundation in Paris in this July 18, 2014 file picture.

France -- International Monetary Fund Managing Director Christine Lagarde attends a conference about the future of the Euro zone organized by the Robert Schuman foundation in Paris in this July 18, 2014 file picture.

Кіраўніца МВФ Крысьцін Лягард зьвяртае ўвагу на вялікія геапалітычныя рызыкі, якія існуюць сёньня.

Бесьперапынныя ваенныя дзеяньні на ўсходзе Ўкраіны зьяўляюцца значнай геапалітычнай рызыкай, здольнай справакаваць далейшы рост цэн і ўзмацніць фінансавыя дысбалянсы ва ўсім рэгіёне, — заявіла ў ходзе выступу ва ўнівэрсытэце Джорджтаўну дырэктар-распарадчык Міжнароднага валютнага фонду Крысьцін Лягард.

«Разам з фінансавымі „хмарамі“, мы сутыкаемся зь вялікімі геапалітычнымі рызыкамі. У гэтым сэнсе далейшая эскаляцыя канфлікту ва Ўкраіне можа справакаваць рост спажывецкіх цэнаў, дысбалянсы на фінансавых рынках і ў гандлі, — цытуе Лягард афіцыйны сайт МВФ. — Гэтыя рызыкі, апроч іншага, нясуць яшчэ і вялікія праблемы для шараговых грамадзян. Мы ня можам гэта ігнараваць».

Раней у МВФ спрагназавалі, што ў выпадку працягу ваенных дзеяньняў на ўсходзе Ўкраіны падзеньне эканомікі краіны перавысіць 7% па выніках году, а рэцэсія паглыбіцца і запатрабуе новых фінансавых уліваньняў. У 2015 годзе падзеньне эканомікі, на думку МВФ, складзе 4,25%. Па разьліках Фонду, экспарт па выніках 2014 скароціцца на фоне далейшага пагаршэньня адносін з Расеяй, а таксама з улікам фізычнага вываду з ладу вытворчых магутнасьцяў усходу Ўкраіны. Дэфіцыт плацёжнага балянсу ў 2014 годзе вырасьце да 7,5 млрд дал., а ў 2015-м — да 11,5 млрд дал. У гэтай сувязі Ўкраіне да канца 2015 году спатрэбіцца ня менш за 19 млрд даляраў зьнешніх запазычаньняў, каб пакрыць патрэбы ў фінансаваньні, — спрагназавалі ў МВФ. l

XS
SM
MD
LG