Лінкі ўнівэрсальнага доступу

Рэкорднае падзеньне расейскага рубля: даляр — 40, эўра — 50


Расейскі рубель імкліва падае на фоне вайны ва Ўкраіне, заходніх санкцый супраць Расеі і зьніжэньня коштаў на нафту.

Курс расейскага рубля да даляраў пераадолеў псыхалягічную плянку ў 40 рублёў за адзін даляр ЗША і 50 — за адзін эўра.

Валютныя таргі на Маскоўскай біржы 6 кастрычніка пачаліся з рэкорднага павышэньня курсу даляра да рубля. Упершыню ў гісторыі кошт амэрыканскай валюты склаў 40 рублёў, пра што сьведчаць зьвесткі біржы.

Курс даляра на 10:10 маскоўскага часу дасягаў 40,04 руб. (+8 кап.), эўра — 50,1 руб. (+22 кап.), паведамляе rbc.ru

Аналітыкі адзначаюць, што асноўны ціск на расейскі рубель цяпер сыходзіць ад цэнаў нафты, якія знаходзяцца на гадавых мінімумах, а таксама ад геапалітычных рызыкаў Расеі. Размовы аб магчымасьці ўвядзеньня Эўразьвязам новых санкцыяў пры пагаршэньні сытуацыі ва Ўкраіне таксама не гуляюць на карысьць рубля, нягледзячы на пэрспэктыву ўмяшаньня Цэнтрабанка Расеі.

XS
SM
MD
LG