Лінкі ўнівэрсальнага доступу

logo-print

У Латвіі лічаць галасы на парлямэнцкіх выбарах. Лідуе «руская» партыя


У Латвіі завяршаецца падлік галасоў, пададзеных выбарнікамі на парлямэнцкіх выбарах, якія адбыліся ў суботу.

Па наяўных да цяперашняга часу дадзеных Цэнтральнай выбарчай камісіі Латвіі, на выбарах у сэйм лідуе сацыял-дэмакратычная партыя «Згода», якая прадстаўляе інтарэсы рускамоўнага насельніцтва. Яе ўзначальвае першы рускі мэр Рыгі Ніл Ушакоў. На другім месцы Саюз «зялёных» і сялян (СЗК) на чале з мэрам партовага горада Вэнтспілс Айварса Лембэргс.

Па дадзеных ЦВК, за «Згоду» прагаласавалі каля 24 адсоткаў выбарнікаў, за Саюз «зялёных» і сялян — дваццаць. На трэцім месцы аб’яднаньне «Адзінства», сябрам якога зьяўляецца цяперашні прэм’ер-міністар Латвіі Лаймдота Страўюма — таксама 20 адсоткаў.

Насельніцтва Латвіі — каля двух мільёнаў, правам голасу валодаюць каля паўтара мільёна жыхароў краіны.

У 2011 годзе партыя «Згода» атрымала на выбарах найбольшую колькасьць галасоў, але астатнія партыі адмовіліся супрацоўнічаць зь ёй, і яна не была ўключаная ва ўрадавую кааліцыю.

Сёньня чакаецца афіцыйнае аб’яўленьне папярэдніх вынікаў выбараў. Канчатковыя вынікі галасаваньня стануць вядомыя на працягу трох тыдняў.

Ваша меркаваньне

Паказаць камэнтары

XS
SM
MD
LG