Лінкі ўнівэрсальнага доступу

Ужо сёньня, 6 кастрычніка: у Менску — латыскі спэктакль, заняткі гістарычнай школы ў ТБМ


Падзеі дня ў Беларусі, сьвеце, гісторыі

У Менску на сядзібе ТБМ адбудуцца заняткі гістарычнай школы «Гісторыя ў падзеях і малюнках» з Алегам Трусавым. Пачатак а 18-й 30.

У Менску ў Галерэі сучаснага мастацтва «Ў» адкрыецца выстава «Sense of Place. Сучасная латыская фатаграфія», у якой бяруць удзел тры сучасных латыскіх фатографы — Арніс Балкус, Рэйніс Хофманіс і Алніс Стакле. Кожны з удзельнікаў экспазыцыі спрабуе знайсьці знакі ў латыскім пэйзажы, якія характарызуюць іх родную зямлю. Адкрыцьцё а 16-й гадзіне.

На Міжнародным тэатральным фэстывалі «Тэарт» будзе паказаны спэктакль «Ставангер» (PULP PEOPLE) Ліепайскага тэатру з Латвіі (рэжысэр Канстанцін Багамолаў). Менск. Палац культуры МАЗу. Пачатак а 19-й гадзіне.

ГЭТЫ ДЗЕНЬ У ГІСТОРЫІ

1788 — распачаўся Чатырохгадовы Сойм.

1927 — у Нью-Ёрку адбылася прэм’ера першага гукавога фільма («Сьпявак джаза»).

1941 — гітлераўцы расстралялі ў Клецку блізка 4 тысячы габрэяў.

1953 — з галоўнага канвэеру Менскага трактарнага заводу сышоў першы сэрыйны трактар «Беларусь».

У гэты дзень нарадзіліся:

1876 — Ян Булгак, фотамастак і этнограф.

1887 — Ле Карбюзье, францускі архітэктар.

1908 — Алесь Мілюць, заходнебеларускі паэт

1914 — Тур Хэердал, нарвэскі падарожнік і навуковец, дасьледнік культуры і паходжаньня розных народаў сьвету.

«Навучыцца пісаць лёгка, вынайсьці пісьменнасьць цяжка».

Тур Хэердал

У гэты дзень памерлі:

1677 — Альбэрт Каяловіч, беларускі пісьменьнік, палеміст, гісторык.

1809 — Францішак Бялінскі, генэрал-маёр войска кароннага, пісар вялікі каронны, асьветнік, пэдагог, прыхільнік усеагульнай адукацыі. 1929 — Чэслаў Янкоўскі, польскі паэт, крытык, публіцыст, гісторык-краязнаўца. 1998 — Ралан Быкаў, савецкі актор.

З Календара Бахарэвіча: Калі чалавек ня мае асаблівых талентаў — ён ідзе ў кантралёры. Або ў герастраты. Або ў Тэапомпы.

XS
SM
MD
LG