Лінкі ўнівэрсальнага доступу

Ужо сёньня, 3 кастрычніка: кангрэс у Коўне, гадавіна па Івашкевічу


Ілюстрацыя з Календара Бахарэвіча

Ілюстрацыя з Календара Бахарэвіча

Падзеі і даты гэтага дня ў Беларусі, сьвеце, гісторыі.

ПАДЗЕІ ДНЯ

У Коўне адкрываецца Міжнародны кангрэс дасьледчыкаў Беларусі.

У Менску – трэці зьезд настаўнікаў СНД і чацьвёрты форум жанчын-прадпрымальніц Беларусі.

БХД на прэс-канфэрэнцыі ў Менску агучыць свае перадвыбарныя пляны і прэзэнтуе сайт «Народны кантроль» (штаб-кватэра БНФ, 13:00).

На вуліцы Асіповіцкай у сталіцы мітрапаліт Менскі і Слуцкі РПЦ Павал асьвеціць крыж і памятны камень на месцы будаўніцтва храма ў гонар сьвятога Лукі Крымскага. (Колішні архіяпіскап Сімферопальскі і Крымскі Лука, сьвецкае імя Валянцін Война-Ясянецкі, сьвятар і хірург, які перажыў рэпрэсіі, у часе якіх працягваў прапаведаваць і лекаваць. Сынодам Украінскай праваслаўнай царквы ў 1995 прылічаны да ліку мясцова шанаваных сьвятых.)

Клюб Re:public у Менску адзначае трэцюю гадавіну свайго нараджэньня вялікім канцэртам (вул. Прытыцкага, 62, пачатак а 19-й).

ГЭТЫ ДЗЕНЬ У ГІСТОРЫІ

1615 – у выніку антыфэадальнага паўстаньня гараджанаў у Мазыры ўлада перайшла да гарадзкога магістрату.

1990 – адбылося ўзьяднаньне Нямеччыны. У гэты дзень адзначаецца Дзень нямецкага адзінства.

2013 – памёр Віктар Івашкевіч, адзін з пачынальнікаў руху новага беларускага адраджэньня, сябра Майстроўні, Талакі і рэдактар газэты «Рабочы». Быў адным зь лідараў БНФ, пазьней сябрам аргкамітэту «Беларускага руху».

У гэты дзень нарадзіліся:

1895 – Сяргей Ясенін, расейскі паэт.

1897 – Луі Арагон, францускі пісьменьнік.

1914 – Ян Новак-Езяранскі, польскі журналіст, публіцыст, палітычны актывіст.

1978 – Віктар Жыбуль, беларускі паэт.

З КАЛЕНДАРА БАХАРЭВІЧА

Дэдээр у бээрдэ. 3 кастрычніка 1990 – Дзень аб'яднаньня Нямеччыны

Паказаць камэнтары

XS
SM
MD
LG