Пра гэта яму паведамілі бацькі. Актывіст кажа, што яму хочуць уручыць позву.
Іван не выключае, што цікавасьць міліцыянтаў можа быць зьвязана з графіці ў Салігорску пра расейскага прэзыдэнта Пуціна і перафарбаваным у бел-чырвона-белы колер знакам на ўезьдзе ў горад.
«Ладзяць праверку па „вандалізьме“. Але, хутчэй, гэта проста фармальная адпрацоўка загаду зь Менску. Бо пра гэтыя акцыі напісалі, нехта прачытаў і папрасіў пакараць хоць некага. Я ня бачу, каб яны сапраўды шукалі кагосьці канкрэтнага. Так, старых актывістаў затрымаць, пасадзіць на суткі і здаць справаздачу», — сказаў Свабодзе Іван Шыла.
16 верасьня ў кватэры Ўладзімера Шылы, бацькі маладафронтаўцаў Івана і Ільлі, адбыўся ператрус. Міліцыянты забралі сыстэмны блёк кампутара.