Лінкі ўнівэрсальнага доступу

Ужо сёньня, 30 верасьня: дзень народзінаў Ніла Гілевіча


Ілюстрацыя з Календара Бахарэвіча

Ілюстрацыя з Календара Бахарэвіча

Падзеі дня ў Беларусі, сьвеце, гісторыі.

ПАДЗЕІ ДНЯ

Менск – у літаратурна-мэмарыяльным музэі Якуба Коласа адкрыцьцё выставы «І бачу пройдзеныя далі…», прысьвечанай 100-годзьдзю з дня нараджэньня Данілы Міцкевіча, першага дырэктара музэю, старэйшага сына Якуба Коласа. Пачатак а 16-ай.

Менск – у Галерэі Мастацтва (пр. Незалежнасьці, 12) – адкрыцьцё выставы жывапісу Ірыны Ясюкайць-Дударавай «Погляд цішыні». Пачатак а 17-ай.

ГЭТЫ ДЗЕНЬ У ГІСТОРЫІ:

1452 – Ян Гутэнбэрг выдаў першую друкаваную кнігу, якая атрымала назву «Біблія Гутэнбэрга».

1938 – з удзелам Брытаніі, Францыі, Нямеччыны і Італіі падпісана «Мюнхэнская дамова», паводле якой нацысцкая Нямеччына атрымала кантроль над Судэцкай вобласьцю Чэхаславаччыны.

Сёньня Міжнародны дзень перакладчыка, устаноўлены ў 1991 годзе Міжнароднай фэдэрацыяй перакладчыкаў у дзень сьмерці сьвятога Ераніма, які лічыцца патронам перакладчыкаў. Еранім быў хрысьціянскім сьвятаром і пісьменьнікам, народжаным у Далмацыі. Ягоным найбольшым дасягненьнем лічыцца пераклад Бібліі на лацінскую мову, вядомы як Вульгата.

У гэты дзень нарадзіліся:

1892 — беларуская пісьменьніца і грамадзкая дзяячка Зоська Верас. Адна з пачынальніц беларускага адраджэнскага руху, пад псэўданімам Мірко друкавалася ў 1911 годзе ў «Нашай Ніве», актыўная ўдзельніца падзеяў беларускай гісторыі часоў БНР.

Да часу маючы інтэрас,

Не зачыняючы дзьвярэй,

Гаворыць зь векам

Зоська Верас,

Як з братам,

Што крыху старэй.

Рыгор Барадулін – пра Зоську Верас.

1931 — народны паэт Беларусі Ніл Гілевіч.

З КАЛЕНДАРА БАХАРЭВІЧА:

Засечкі на лбе Пятніцы. 30.09.1659 Рабінзон Круза ступіў на сваю выспу

Паказаць камэнтары

XS
SM
MD
LG